Zdenka Čavić | Congnito, ergo sum

(Mislim, pak jesem)

Tu smo, 

morti mislimo kak jesmo,

al' kaj ak' to tak i neje,

Hudič se smeje

temu kak smo bedasti.

Nafčili smo se hoditi, 

al' se nesmo nafčili rasti.

Gmižemo po ti Zemli,

saki po svoji črti,

k črni raki.

Gdo zna jel' je to tak, il' neje?

Gda se raka zapre,

potlam, gda se prejde, 

vu nje bu ostalo sê, 

kaj je i kaj neje.

Škoda kaj nebumo znali

jel je i misel o nami tam, 

vu ti raki.

Mislili smo da jesmo.

Misel dojde i prejde,

hudič se smeje.

Gdo zna, jel' smo bili 

il' su to bile tenje!

A, gde su onda senje? ________________________________

hudič-vrag

temu-tome

bedasti-glupi

nafčiti se-naučiti se

gmizazi-puzati

črta-crta

tenje-mračne misli

senje-snovi