Med nami su reški, se vekšni.
I črna mrzlina vu njih zavlečena.
Vu njoj zagubleni od hiže broji
i lek i vračba - reč topla, domača.
Već nam je dugo rasklimani meter,
nikaj neje vu vagi, mera nam beži.
Za toga betega još leka nega.
Črno-bela slika farbu ne dobi.
Kaj bu z nami čemernima, pitam.
Sam tak malo magije nam fali.
Nariftati vagu i kučnoga broja,
spokane zide z smehom napuniti.
Po stolu vudriti, jedra zdignuti,
v ogej puhnuti kaj se žar zagori.
Mortik bu vupeža hititi lafre.
Mortik se leto obrne na bole.
________________________________________
mera-mjera
reški-pukotine
vekšni-veći
beteg-bolest
nega-nema
čemerni-nezadovoljan
nariftati-namjestiti
spokano-napuknuto
vudriti-udariti
ogej-vatra
vupež-hrabrost
hititi-baciti
lafra-maska
bole-bolje
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.