Darko Foder | Agenj

Treba znati kom gledeti,
sepasod ga moareš najti,
zna se praf skriti
i kom ne misliš, oan moare zajti.

Kreše komen pa komenu,
da se zblesiče triešče išče.

I z neba najpre zmusiče,
poaklje v drieve poči striela agnjena,
prižge čega se datekne,
astone kuara zasmujena.

F špoaretu žari i puckeče
žerafka nakurena,
lačna kuga premandurena.

A da se dagarieti pepel
čez gatre rastepel,
šarajzlin male ščusa, zahajca,
i mam se ad žarečih jeziki diela štrajca.

I v fercajgu spi
tie hudi čeljeni vrag.
Male prižgeš suhu travo
i mam ti prejde hižni prag.

Kie pa zna kak je na Soncu?
Tom je agenj kak doama,
sigurne je tom peklinjava soma.

Oan čiste nikamu nie strahu,
some diežđu i vade
i proatuagnjenemu prahu.
Agenj scvri i hmerje z njimi da se zide
i mam v dim adide.

Joaš na jednem mestu sam agnja videl!
Takvi se agnji blješčeči saki dien ne vide.
F tvem je oaku da se z majiem oakem zide.

Zbornik Recitala
„Susret riječi“ Bedekovčina 2016.