Katarina Zadrija | Seme

U spomen na Baricu Rukelj iz Kreča Vesi i njeno sjeme šarenih niskih starinskih mahuna

Seme sem starinske na najžu našla.

Mahune šare, kakve si kuhala,

Štrudljin od jabok v struganje slagala.

Za družinu i težake se snašla.

Šlinjgani stouljnjak na njemu obljizek.

Kak da brojiš zrnje si zbiraš za seme.

Trudne rouke niesu znale za kreme.

Za kvrgave ti ščepce gavez je lijek.

Priek štikane firinge kak da gledim

čez obloučec, f hiže sama sediš.

Glavu digneš, kvaku na vrati glediš. 

Na istem sem poutu, ja se ne mladim.

Seme za zutra z češnjem sad spravljam.

V škrnecljin i staru škrinju na najžu.

Tvouj vrt je bil kak kipec na glajžu.

Za ounda gda nas ne seme ostavljam.

_____________________________________________________________________

Autor : Katarina Zadrija, 07. 05. 2021

Pjesma je objavljena u Zborniku s 58. Recitala kjakavske poezije u Krapini ISBN: 9789537839123. 

Pjesmu je na recitalu interpretirala kazališna i dramska umjetnica u mirovini Biserka Ipša.

Govor sela Lovrečka Velika, grad Vrbovec

_____________________________________________________________________

najžu – tavanu; struganja – drvena zdjela;  šljingani – crtežima u boji ukrašena tkanina, stoljnjak: ščepci – prsti; firinga – zavjesa; obluočec – prozorčić;