Darko Foder | Kie bo če neš ti

Kie bo če neš ti?
    Škuale zbavil,
    pamoagel sosedu,
    derva za zimu spravil,
    lačnega poazval k abedu,
    kalinje pripravil!
A kie bo če neš ti?
    Na damačije se močil,
    njivu zaral,
    listje v hoste pazubačil,
    garicu pavezal,
    decu paštenju vučil,
    snieg admietal!
Kie bo če neš ti?
    Poakasil sinakuašu,
    gavaril pa damači,
    adnesel krave siene f kuašu,
    pavedal mome koa ti znači,
    siramaku kruha dal,
    athičenemu tuaplu rieč,
    pad vedrim nebem spal!
Pa kie bo če neš ti?
    Vugrad zasadil,
    f teškem času za istinu rieč rekel,
    karužnjak naponil,
    tikvenjak spekel,
    marvu naronil!
Kie bo če neš ti?
    Stronjskega svieta se vernol f sve roadne meste,
    pamalil se Boagu,
    sliepega prepeljal priek ceste,
    poaklje dežđa išel gledeti pogu!
A kie bo če neš ti?
    Sakamu kie te mrzi dal roku,
    dal pravi navuk čeri i sinu,
    da te bali preterpel moku,
    branil damavinu!
A kie bo če neš ti?
    Če neš ti, a kie bo?
    Zate, nuaj reči da ti se neda.
    Jer, kie bo če TI neš?!

Zbornik recitala kajkavske poezije
Krapina 2017.