Milan Frčko | Propuh

Odpirajo se i zapirajo vrata.
Firange so se genole. Ne spijo.
Muhe f pavočinju vu smrt gledijo.
Nešče je vu hiži i hrbet mi šlata.

Prekrižil sam se. Duša mi se stišče.
Odjempot so vrata po štoku šlopila.
Da mi znati čega so se napila?
Pant na vratima škripi kak da slifče.

Od kupice senjava k svrablifcu beži.
Mesečina je vredna. Stolnjak hekla.
Zidi so pokojni. Sasma so bledi.

Soba se bo za čas f kmico presvlekla.
"Bole da čkomim"-vu  strahu sam gruntal,
predi nek sam viknol: "Propuh me zluftal"!
..................................................................................
propuh-promaja, firange-zavjese, genole-pomaknule, nešče-netko, hiži-kući, hrbet-kralježnicu, slifče-šmrca, jauče ,šlata- miluje, kupice-čaše, senjava-sjena, svrablifcu-vrču za vino, kmico-mrak, čkomim-šutim, gruntal-razmišljao, predi-prije, zluftal-prozračio.