Maja Cvek | Zakaj, mati?

Snočka je otec preveč pil
i srdit je bil.
A zakaj, mati?

Je kričal kak stekli pri lesi
kaj ju ni mogel otpreti.
Grdo me preklel.
Za lase vlekel.

Zakaj je Bobija vritnul?
Kaj mu je cucek kriv?
Bogec se ni meknuti nemre.
Gdo zna je l’ živ.

Zakaj je tebe ze šakom?
Pak ti bo črnjavka na obrazu stala.
A ti, za zajdne si kune
gulaša njemu skuhala.

I kaj ja nisem kak druga deca?
I ja bi štela fino jesti, na morje iti.
Vu miru vučiti, kompjutora meti,
role pelati.
A nemrem, nemrem mati
brez straha ni spati.
Otec - kak kolec
Brez srca človek.
Zakaj je to treba mati?

______________________________________

Uz akciju - "Stop nasilju nad ženama"

Objavljena u Zborniku SENJE I METEORI 2005.
Varaždinsko književno društvo, Varaždin