Milan Frčko: Z one strane

Predi nek sem opal,
spukal sem sav drač ,
srušil plotove od drota,
i po ne znam koji pot
cuckima rekel da ne lajo.

Krtu sem rekel da je vreden stvor.
Da nema krtovincov,
zemla se nigdar ne bi zluftala.
Vranama isto tak.
Zato kaj znajo brenzati v zrako.

Predi nek sem opal,
zgorenim hižama sem rekel
nek zafale jognju ,kaj više ne
morajo slušati duhove.
Ima i pono toga
kaj se ne napravi, samo zato
kaj se ne vidlo kaj je sfulano.

Predi nek sem opal,
mislil sem kak se to meni
nemre dogoditi.

Al, da sem se to znal
nigdar se ne bi zdigel.