Zdenka Čavić | Kak na nebu, tak i na zemli

 

Perun se fest rasrdil

i nemre si najti mira,

kotura oblake, angele kaštiga,

pušča munje i strele.

Zval se on Perun il' Ilija,

kak god se zeme, 

ž njim so došle nevole zgora, 

doli, do Zemle.

Zlate jaboke, nevole z mita,

ti Perun Zemli pošila.

A čovek kak čovek,

se kaj v šake zeme, zništi,

pak onda gledi kak hmirja.

Kak na Nebu, tak i na Zemli  

treščijo munje i strele,

pozoji jognja igraju se rata,

čovek je postal meta,

trgajo ga sile munje i vetra.

Z Perunoveh ga prsteh 

saka sila stepa i ž njijo otepa 

angelovu duhu i dobrotu,

Zemlici krade nebesku vojsku. ____________________________________

rasrditi se - ljutiti se

kaštigati-špotati

puščati-pustiti

nevola-nevolja

pošilati-slati

hmirati-umirati

treščati-treskati

pozoj-zmaj

otepati-otresati