Katarina Zadrija | Bicikljin

Gda sem se bicikljin vojziti vučila

na tatinem starem Rogu

znad štanjge veljike

nies mogla zahititi nogu.

 

Spod štanjge sem bila

i rouku do governala proužala.

Če baš i cijelu noč nies spala 

nikomu nies priznala da sem

si rame potrla.

Gda je jurnul kak tič sem letiela

prenagle zakočila, v koprive zleteila.

Zmisljim se denes si svoji bicikljinov

kej življenje mi je nosile

potrenoga ramena i koljieni.

kak spod štanjge sem se vojzila 

do gda noga nie zrasla.

A najtežieše se bile nafčiti 

polaku brenzati, 

stati, na vrieme z bicikljina ziti.