Darko Foder | Hosta je me muore

Hosta je me muore dišeče,

sual mega živoata.

Na plažu me to duha vlieče.

I nie aditi, bila bi grehoata.

Stajim kre zrušenaga drieva,

med preprati v draču,

de vada šumi v jarku,

i z komena na komen mehureki skaču.

Ziblju se zeleni vali na vetru,

čez sverži lučem z kreluti ščunjeke,

pa moadrem štoafu se smiču.

Kak možika, tič se javlja tiču.

Ciela hosta diše,

ciela hosta diši,

lista muoru piše!

„Jarki i bregi, plaže i vale,

mehenj na kumienju,

karenje med pieskem,

černa zemlja na stienju.

Ribe pliezaju pa drievlju,

listje se igra z ježi muorski,

škualjke išču zajčje luknje,

delfin se meče čež zrak guarski.

Vrgonji i šparoge se skrivaju,

smilje kre ciklami diši,

lesice f pličaku plivaju,

galebi se z jastrebi kušuju,

serne i gušteri skupa putuju.“

Hosta lista muoru piše!

Se koa štienja išču

i zaprietimi ačmi leke se nariše.

Hosta je me muore,

čverste na zemlje stajim

i senjam,

senjam kak muore dišim.
Senjam kraje tom daleč,

de se sonce v vade ftaplja,

de dejžđ z oablaka pastone

jedna velika muorska kaplja.

V listu hosta muoru piše:

„Duajdi bliže, duajdi bliže!“

I pitum se –

koa bi uni z muora dali

za hostu pad ablokem,

za igru vetra na zeleni vali,

za zelena friška jutra,

za diel mega ponega serca v mem kraju,

za me srečne zutra?

1. nagrada

Recital kajkavske poezije „Božo Hlastec“

Ludbreg 2021.

___________________________________________________________________________________

hosta – šuma, muore – more, dišeče – mirišljavo, sual – sol, duha – miris, vlieče – vuće, nie – ne, aditi – otići, grehoata – grieh, stajim – stojim, kre – kraj, zrušenaga – porušenog, drieva – drva, med – među, preprati – paprati, v draču – u korovu, vada – voda, komen – kamen, mehureki – mjehurići, ziblju – njišu, čez – kroz, sverži – grane, lučem – gledam, z kreluti – s krilima, ščunjeke – čamce, moadrem – plavom, štoafu – tkanini, smiču – skližu, kak možika – kao glazba, tič – ptica, lista – pismo, mehenj – mahovina, na kumienju – na kamenju, karenje – korjenje, černa – crna, pliezaju – veru, zajčje – zečje, luknje – rupe, meče – baca, čez – kroz, guarski – gorski/planinski, vrgonji – vrganji, kre – pored, lesice – lisice, kušuju – ljube, štienja – želje, išču – traže, zaprietimi – zatvorenim, ačmi – očima, leke – lako, nariše – nacrta, stajim – stojim, kraje – krajeve, tom – tamo, daleč – daleko, de – gdje, v vade – u vodi, ftaplja – utapa, dejžđ – kiša, pastone – postane, duajdi – dođi, pitum – pitam, koa – što, uni – oni, abloakem – prozorom, friška – svježa, diel – dio, mega – mog, srečne – sretno, zutra – sutra