Eda Budić | Štajoni

Prolić i podzimak da so najlepči,leto i zima so pre:

pretepli premrzli,

dani predugi prekratki presuhi premokri.

Kat je bila otročica,mat je poviedala

kako so štajoni prišli:

mat je plakala za hćeron kajsta je šla h možu

pak je potle hći pol leta bila z materon a pol š njin.

Ta Had je nikat ni bi prešimpatik,ma Perzefono je voli.Valja.

I ona njega.

Sat rabi prontat sve ča rabi.

Pomidori,marmelade,rakije z ovien i onien,

trave za čaj za prozeb,kašalj,spat,čistit krf i kiznačajoš.

Ubać rabi konobo,špajzo,armeroni,zamrzivač.

Samo ča ni jušto sigura

kat je prestala bit Perzefona

a počela

bit

Demetra.

štajon - godišnje doba, podzimak - jesen, so - jesu ,otročica - djevojčica, poviedala - pričala, prit - doći, šla - išla, valja - valjda, rabi - treba, prontat - pripremiti, prozeb - prehlada, spat -spavati, armeron - ormar, jušto - baš