Eda Budić | Muka

mora bit mučno

bit u takove glave

z takovemi pensieri

da će ti neki storit škodo

prevarit te

gledat ti naudit

toliko bit prenjen sam od sebe

da moraš vajk vikat

svien grdo govorit

da te vajk bude čut

nikat da nimaš hip mira

da popensaš na slabo

zajno kat ti ki ča reče

kat ki z neken poćakula

poškrca

pofrma se

mora za istino bit teško

toliko da se ne more trpet

kat ne moreš vidit mrvo i hip dobrega

nego moraš rugat se

škičat kliet vriskat od nemoći

forši bi mi moralo bit žal

a ni i ne more mi bit žal

- takovi ne moraju bit