Katarina Zadrija | Senjala sem

Senjala sem smrt, nečiju. 

Sraha me tresla, kosti su zeble. 

Senjala sem smrt kre sebe 

tak blizu da me boljiela

ali nie bila moja.

Bila sem sama, oko mene ljudi

i smrt kej mi z kosti klepenče. 

Senjala sem smrt i stisnula se vuse

tu mi je navek bile najljepše

gde tiele je bedem, a duša pod njem skrita. 

Senjala sem kak me smrt preskočila

i srsi ledeni. 

Z otprtemi očmi sunce na oblouku

i strahu tu negde gljiboke vu meni. 

______________________________________________________

klepenče – razbacuje se, govori bez prestanka, ovdje: lupa;