Milan Frčko | Marija

Foto: Milan Frčko.

Vu sečnjo je moja roža cvela.
Sapom so joj se vmivale lati,
koje so dišale kak i mati
kaj naše duše v nebo dopela,

predi nek veli: „Si ste vi moji.
Zato sem za vas svog Sina dala“.
Zmislim se kak me z molitve zvala
i stiha rekla: „Moj si i Božji“.

Znam jo spred križnog dreva videti.
Mir i spokoj mi duši donese,
a čim spod nje kanim svečo deti

ona moji deci blagoslov odnese.
To je bilo se kaj sem mel reči.
Če sem kaj zabil povem čkomeči.