Zavuzlaj me vu vuzmeni pantlin,
Gdi srebrnjaki v travnjaku žvene.
Gdo šumi šiva zeleni mantlin,
Rada bi da se zmisli i mene!
Gda protuletje čeka i krzma,
Dojde mi vse da v jogenj hitim.
Samo se misel po glavi vrzma;
Kak da se z cvetom črešnje zakitim?
Kak da pozabim, zle reči oprostim,
I staru kožu da hitro premenim?
Da zlatnim zrnjem ftiče pogostim,
I v miru srca se ovuzmenim?
Samo mi ljubav pomoči more,
Žižek žareči vu mladoj leski.
Z pantlinom ti me povleči gore,
Dobri moj ajngel, vuzlek nebeski!
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.