Eda Budić | Višak povijesti

Višak povijesti rabi utočit

kako vino z prepune bačvi,

ono ča se je nabrlo va hip

- sto, dviesto liet

ali tako ča

rabi prozračit i, ku se more,

podielit naokolo.

Ku ne će počiet pretiskat,

peć,

moglo bi se dat na zlo,

pak ala smo zapačani!

Jopet,

ku se redovito tiendi i podieli,

kemu tr kemu

bi moglo uperat,

pokazat kakovo tr kakovo

štuorico

i bit na korist naokolo.

Kako štabelo regulana i složena

stalaža z libri

ali armeruon z posodon ali robon.