Zdenka Čavić | Kmica na čeki

Severec, kozoderec, 

skunkačov strah, 

vreba bezmerni.

V šume sakovačkih misli

kmica stoji na čeki.

Čeka kak' bi zgrabila

čoveka pri lesi,

pak nagovarja žive slike 

nek' skoče prek plota,

na drugu stran, brez straha.

Kmica je zela maha,

pak se znad' plota zavrača,

čeka na čeki strah 

da te zmrzne kak sigu.

Severec zimu obrača na beg,

beži kozoderec,

zdolec mu za petaj 

kaže figu.

Gdo čeka, dočeka.

______________________________

severec-vjetar sjeverac

kozoderec-vjetar koji sve ruši

skunkač-vrsta zmije

bezmerni-neizmjeran

čeka- sačekuša

zavračati-spoticati 

siga- smrznuti led