Zdenka Čavić | Dobročińitel

Delalal je z dobrom volom,

v dobročińjeńju zadovolstvo mel, 

al' se grdo zbajzal.

Neje ga našel,

kaču je v nedra del. 

Dobročińitel se pretergel v skerbi, 

včinil sē kajgot je mogel i znal, 

kak' da je sȇ to sebi delal.

V dobročińjeńju denes nega sreče 

nit' pod jen' zob.

Neje po oni:„Popu pop, a bobu bob.”

Medtemtega dobročińitelu je prijatel 

čudaj tega včinil nažal, 

pak mu jē jošte pride i pokoru dal,

kak da je napake delal.

I kaj ve?

Treba mu čim predi pozabiti 

sȇ dobročińjeńja deli,

kaj bi mu terh leže pal,

jerbo mu se pripetilo nekaj

kaj više nigdar delal nebi.

Tūlko o velkoj skerbi!

____________________________________

zbajzati- prevariti

kača-zmija

skerb-briga za nekoga

dobročińjeńje-dobrčinstvo

medtemtega-međutim

včiniti-učiniti

jošte pride-povrh

napaka-neprimjerenost

terh-težina

pripetiti-dogoditi