Milan Frčko | Plesnivi kalendar

F sobi je kmično, al sakaj se vidi.

Na zidima so tenke vodene štrafte.

F krevetu pavočinje, mesto plahte,

a vu njemu muha kaj komaj škilji.

Noga od kreveta več je sasma sprhla

i krevet se nagnol kaj da je pijan.

Kalendar pokazive minoli srpanj.

Gde je pisalo leto, slova so hmrla.

Se je plesnivo vu tom kalendaro.

F kotu je rep od krepanog štakora.

Tu so i škornji, al neso vu paro

i tragi f pepelo, pokraj rafunga.

Čez kroh dežđ čvaple i to kraj raspela.

Stopram senje čoveka v raj dopela.

-------------------------------------------------------------------

plesnivi - pljesnivi, tenke - tanke, kmično - mračno, saka j- svašta, štrafte - crte, pavočinje- paučina, komaj - jedva, škilji - na jedno oko gleda, sprhla - trula, minoli - prošli, hmrla - umrla, f kotu - u kutu, krepanog - crknutog, škornji - čizme, v paro - u paru, trag i- tragovi, rafunga - dimnjaka, dežđ - kiša, čvaple - kaplje, stopram - tek, samo, senje - snovi, dopela - dovede