Zdravko Dolenec | Štefek h ribolovu

Od jutra Štefek ribu lovi,

vure i vure štoplin gledi,

a riba nikak da cruče – 

se več vroče i vroče.

Racman po vode plava

raca se podurnjava

racice pod vrbu zašle

male si hlada našle.

Kuos kosice popieva

z vrbinuga drieva – 

kosica si cajta zela

i k njemu na čas sela.

Na jalše kriešti sraka,

Štefek i dalje na ribu čaka,

sonce pomalu zahaja

i kmica se bliže dehaja.

________________________________________________

(vura – sat, štoplin – čep, cruče – povlači, racman – patak, raca – patka, podurnjavati – zaronjavati, kuos – kos, cajta zela – vremena uzela, na čas – na tren, jalša – drvo joha, sraka – svraka, čaka – čeka, zahajati – zalaziti, kmica – mrak, dehajati – dolaziti)