Eda Budić | Valcer

Šostakovičev valcer

zvoni puli muore

na šetnice duge četiri kilometri

ne čuje ga niedan

nanke ja

ja ga dišen hodin gledan

pipan z prsti po zrake

gledan ga na barke

ka plovi do Brijuni

dišen ga z smolon

alepskega bora

hodin ga mež ljudi dicon 

bičikletami romobili

svetlo mi ga nosi

plima ga hita bliže

toliko

da nanke ne slikan

z mobitelon

ki će znat

da san nedeljo potlepuodne

živela Šostakovičev valcer

zdola pini

ot kejsteh smola

takieva muore

nebo i groti

zdola sunca zgora Brijuni

ki će to znat

kat nanke ja

ne znan

ku san ga kada

pliesala

______________________________________________

Takievat- ljepiti; nanke - niti;grota- kamen; zdola- ispod