Svo ono brime grdega,
slabega i mučnega
ča je nosija sobon cili život
ač su mu bili zastrašili
da nikakor to ne smi puštit-
rasipalo se je
kako gnjila vrića od jute
kat je došla ura da to kala.
Kat su šli prebirat
prvo nego su sve hitili ća
našli su velika zrna i kuse
ljubavi i škrbi za njigove.
Skriva hi je dimboko,dimboko
ač su ga navadili
da ne smi pokazat dobrotu i lipotu
da ga ne bi držali za blago.
Potle,lita i lita,
njigovi ćute teplinu i dragost
s kojima hi je zamotiva
a to ni bija kapac zreć.
Sa smotre "Beside u jatu",Barban 2024.
Nema komentara:
Objavi komentar
Hvala na vašem komentaru. Isti će biti objavljen nakon pregleda moderatora.