za posvećenje jenejstega
drugi mora umriet
oni ki ustane pita se i premišlja
je je jušto tako moralo bit
kako got tornat ne more
svaki dan još jedan oklop
za branit se od napadi i napasti
ne porta ku je duralo dugo ku kratko
ku je bilo dobro ku slabo
stvar je da je cielo prišlo na pol
proteže se i rasteže za pokrit ča i prvo
pofat ča ni moguće
pofat ča zrak zemlja uganj i voda
drugajče nosiju dani i leta
to ne vidiju nego oni ča živiju
na dva kraja nabot
svaki hip
______________________________
jenejstega-jednoga
ustane-preostane
tornat-vratiti
ne porta-nije važno
duralo-trajalo
slabo-loše
prišlo-došlo
pofat-usprkos
uganj-vatra
drugajče-drugačije
nabot-istovremeno
hip-trenutak
Srdačan pozdrav
Eda Budić
Nema komentara:
Objavi komentar
Hvala na vašem komentaru. Isti će biti objavljen nakon pregleda moderatora.