Aleksandar Horvat | Spukano cvetje

Negdo je spukal z gartlica cvetje,

kaj sam ga 

za te posadil.

Če ga bum našel,

z tem bum se tâtom

grdo posvadil,

mast bum mu vadil, 

z vritnjakom v turu bum ga nagradil.

Potlam bu dobil 

štihaču, zubaču,

da novoga gartlica napravi v draču,

da cvetje posadi,

i svađu zagladi,

kaj je popukal, da nadoknadi.

Štihal bu, kopal,

dok ne doli opal,

makar se celi v blato zacopal.

Dok vse bu napravil,

još bum ga gnjavil,

žandaru prijavil,

morti bum ga i v rešt pospravil... 

I našel sem tata,

za njim sem išel,

z cvetjem v ruki z pucom se zišel.

Rekel je puci:

“Oprosti na semu…”

i nekak se bogec fest ražalostil.

Vu tem svetlu 

sem mu i ja

za spukano cvetje oprostil.