Aleksandar Horvat | Reka

Ne, ne bojim se zagaziti v reku!

Reka me nosi i igra se z menom,

Al’ reka ne teče v sakem čoveku,

Ne rodi se saki z vodenim genom.

Ja z njom se grlim i celu ju čutim:

Negdi v daljini zviranjek brboče, 

Za njom, dok teče, se v mislima fputim

Do kraja puta gde vušče klokoče.

Nebu je špigel, a šajkama cesta,

Peščenjak vilama, val vilenjaku,

Pojilo srni, brzakima kresta,

Gnjezdišče labudu, dom trstenjaku.

Slapu je čipka, a melinu snaga,

Zemlama međa je, ribama hiža,

Vrbama kupica, obzoru vaga,

Čoveku bliže gde z mostom se križa.

A meni pesniku reka je muza,

Čez mene teče, zapišem ju v teku,

V žilama krv mi je, v jočima suza,

Ne, ne bojim se zagaziti v reku!