Gordana Igrec | Jankov Božić predi sto četiri ljet

 

Same male,

da vas podsetim:

predi stotin i četiri ljet

ovde je huda

vojna bila

i retko koja

duša,

živa i zdrava

svetom je

hodila.

A vezda

da vam

se predstavim,

presvetla gospoda:

ja sem Janko.

Zi Stubaki,

prelepe Barice

sem sin.

Faćuk sem nejn,

kak su me

vu selu zvali.

Ja vam

nis gospodin.

Stolarski sem

zanat vučil

pri dobremu

i pobožnemu

majstoru

Jakovu Weissu.

Zi njegovim

sinekom Isakom,

mojim vrsnikom,

poskrivečki sem

hodil vu špajzu.

Zmislim se još

i čudaj sega drugega:

kak je moja lepa

mati znala

pred zrcalom,

lasi črne kak vuglen

rasplesti

i mene v postelu

mehku desti.

Pureka na Badnjak,

jedinoga nam

pri hiži,

znala je zaklati,

same da je meni

mela za božićni

obed kaj dati.

Dva bela tanjura

na drvenom stolu

i juha s domaćim

rezancima,

kaj mati još

od snoćka kuha.

Nigdo od nas

dva

tu ne zbira,

nek v drob meče

polahko

i ponizno

kak da nam

je zadnja vura.

A onda 

došla je vojna.

I ja sem

moral iti.

Na domaji

moju dobru

mater,

samu ostaviti.

Tak sem se

klatil

po fronti

tri leta,

dok me negde '17.

nije v glavu

vudrila

od metka paleta.

Zdehnul sem mam,

nasred polja nekšneg

v selu nekom češkem,

v črni oranici.

Poklen toga

više ničeg

se ne zmislim.

Same znam

da su se poklen

 od muke

materi

prsi stisli.

I ni prešle

puno časa

gda i ona

gore na nebu,

postala je

članica naša.

A ja sem

si zaželel,

najte mi

zameriti,

točno poklen sto let,

ziti malo dole,

da vidim kak denes

na Božić,

pri ljudstvu stvari

stoje?!

I imam

kaj videti.

Naše male

hižice

v Subaki,

više ga ne.

Vezda tu

piše

nekakov OPG.

Nit hiže

i radione

od starega Weissa

više nema.

Sem imel

priliku gore čuti,

da se z njima v drugi

vojni,

huda sudba sprema.

Da su z njih

bedake napravili

i se njihove

v črno zavili.

Nikej lepa

nisem ja čul,

al' išel sem

pomali dalje

da vidim sav taj

ljudski mulj.

I bome,

moram vam

reći:

imel sem kaj

i videti.

Si nekam

žuriju,

božićna drva

na se strane

bleščiju,

stoli su puni

sega dobrega

i vezda se

zbira.

Ali, bogmeč

nikoga ništ

ne dira.

Si bučiju

i galame,

kak da

pri hiži svojoj

nemaju,

pobožne i tihe

mame.

Nigdo nikom

niti lepu reć

ne fputi.

Kak da su

se od čoveka

do čoveka

zaprli si

puti.

I kad tak

malo v glavi

zbiram,

morem vam mirne

duše reći

kak mi nije

žal kaj me

šrapnela v glavu

pogodila.

Jer, se ovo

kaj vezda

oko sebe vidim,

opet mi se na

hudu vojnu

pričinja.

Žal mi je

jedino,

moje dobre

matere,

kaj v drugom

sektoru je 

na nebu

od mene.

Ja se vodim

pod mlade,

neiskusne

i zelene.

A ona je 

sirota ništ

kriva

morala z razvratnicom

sakakvim drugim

da na nebu prebiva.

Sam zate

kaj japa

ni štel

priznati njezino

jedino na Zemli - zlato.

To sem pak – ja,

Janko zi Stubaki,

kaj ništ drugo

ne znam vam više

povedati i reći,

same nek

vam se Božić ovaj,

pri hižici

vaši

posreći!

Ni treba

čudaj tega meti,

nit kričati

na sav glas

da srećen

bi bil.

Poglećte samo

mene i mati moju,

pa se potom 

zmislite

na preveliku

sreću svoju.

Tak, sad vam

želijem

srećn Božić

i novo ljeto.

Nek vam

je sveto.

A ja idem

natrag gore.

Mati me

zove.