Aleksandar Horvat: Zgoda o sarmi

Blagdanska večer po dvoru se vlekla,
Dedek zaklinja, grmi, zdiže larmu,
Pet plehi kolačov je babica spekla,
Još neje niti započela sarmu.

Skube si dedek se lasi na glavi,
Od jada bi skočil tijam do neba,
- Primi se posla i sarmu napravi!
- Pa nemrem, kad nemam se kaj mi treba!

- V kocu pet pajcekov, tristo kil saki,
Kaj si ne mogla na vreme mi reči?
Sto ti nevoli, smo ne siromaki,
Vrag ti kolače, to saki zna speči!

- No, ne zaklinjaj! Če gladen si sarme,
Na vreme si mogel v nabavku iti,
A ve hodi proč, naj vikati na me,
Mogel bi z plehom prek gopca dobiti!

- Kam ve po meso? Štacun je zaprti!
Kaj bum kolače jel do nedelje?
- Ma kakvo meso, ti žmuklavec škrti,
Imamo mesa, al’ nemamo - zelje…