Jasmina Burek | Šnjaderaj

Si sudbu soju krojiju
odnavek -
sem par nas teri smo se rodili
bez metri i škar
pa po svetu i živlenu
furt sami kak bokčeki hodime
i nišči nas ne vidi kak se smucame

Bogek dragi nas ne polukne,
nigdar.
Ne pita kak sme koj je.
Pogleda svoga naokol hiče
I neče se spominjati z nami -
morti mu je žal?

Bumo se mi snašli,
naj brige imeti,
furt nekak je!
Z dana v dan,
z noči v noč,
se nekak prejde
pak bu i te!
Žilavi smo mi ljudi, kak drač pohitani
Im se ne dame
navek nas bu.
Same se treba male pune snajti
i metra i škare si pribaviti


(Objavljeno u zborniku “Pod murvu, na Krče”, KUD D. Domjanić, Adamovec,  2019.)