Aleksandar Horvat | “Stranjski” pri hiži, vu blagdansko vreme

Zelje šalata z maršom grenadirom,
Mlinci zamaščeni, picek pečeni,
Jen kotač čurki z restanim krumpirom,
Juha na kiselo, grah pretepeni.

Musaka z mlevenim i parmezanom,
Hajdinska kaša i knedli od kruha,
Sataraš z tikvicom i patliđanom,
Pohanci od pure, svatovska juha.

Jen red kremenatli, paradajz zelje,
Fiš malo ljuti i paprika slatka,
Pogača hrustava od bele melje,
Zdiganec z rogačom, zlevanka glatka.

Jajca na oko, govedina z hrenom,
Sarme debele i zelje kiselo,
Pržena jetra i prezmušt z slezenom,
Zaseka na kruhu, prst nadebelo.

Paprike z turšije i kornišoni,
Mladi luk, prgice i cvirkov šaka,
Sceđeni sir “storbe” i makaroni,
I za kraj štrukli od tikve i maka.