O nama

ponedjeljak, 24. travnja 2017.

Katarina Zadrija | S putrem, kvasem i sodu


Autor fotografije: Katarina Zadrija

Denes sem se pak svoje stare babe setila.

Mlajše, mlada baba i mama su se navek šporeta mekivale. Smrdele njim je kak vragu tamjan, a stara baba je bila močna, pak je bila glavna kuharica pri hiže.

Imela je i roke se spečene i ofurene, hitra je bila pak nie pazila, znala je z golu roku vroču ranju prijeti. Kej je, je, fine je kuhala, ali je još bolše kolače pekla.


Za Sesvete navek štruklje z pekmezem. Bili su to prki kolači nafilani z pekmezem, zamotani kak štruklji , zrezani i tak spečeni, na tihem ognju tak da so beli ostali, nesu se smeli začrljeneti. Navek sem se po selu falila kak moja stara baba peče fine štruklje z pekmezem.

Jempot mi je strina Kata rekla nek pitam staru babu za recepta. I baba je meni recepta povedala, ali do strine Kate je bile pone toga ljepoga za videti, pak sem se ja recepta zabila.

Dok sem došla k strine povedati recepta, to je išle ovak :


„Strina, strina znam kak se kolači peku!“

„Kak?“

„Z putrem, z kvasem i z sodu!“

„Miljek, pak tak nie moči kolače speči!“

Pravoga recepta je je onda moja stara baba povedala:

„Tri do četri pragišče glatke melje
Pol od melje putra
Još tuljike vrnja
Male solji
Male sode
Se skup omesi, rasuči, namaži pekmeza od sljiv, zamotaj, z tanjerem zreži i na malem ognju peči, da bodu pečeni, ali ne črljeni, če imaš prašnoga cukora dok se speču popraši, če nemaš dobre je i bez cukora.“

I tak i bez cukora se daju kolači speči.

Nema komentara:

Objavi komentar

Hvala na vašem komentaru. Isti će biti objavljen nakon pregleda moderatora.